सुस्तावलेली संपूर्ण ‘डिबी’च बरखास्त

पिंपरी : पोलिसनामा ऑनलाईन – प्रत्येक पोलीस ठाण्याचे नाक म्हणजे गुन्हे प्रकटीकरण पथक (डिबी) असते. पोलीस ठाण्याच्या हद्दीत घडणारे गुन्ह्यांवर आळा बसवणे, गुन्ह्यातील आरोपी पकडणे, गुन्हे उघडकीस आणण्याचे काम या पथकावर असते. मात्र हे पथक बिनकामी झाले तर मग गुन्हेगारी वाढण्यास चालना मिळाली हे नक्की. पिंपरी-चिंचवड पोलीस आयुक्तालयातील आयटी पार्कमधील हिंजवडी पोलीस ठाण्याच्या डीबीची हीच आवस्था झाली होती, मात्र वरिष्ठ अधिकारी त्याकडे कानाडोळा करत होते. मात्र पोलिस आयुक्तांनी केलेल्या फेरबद्दलामध्ये वरिष्ठ पोलीस निरीक्षक म्हणून नेमणूक झालेल्या अधिकाऱ्याने ही परिस्थिती पहिली आणि तडकाफडकी संपर्ण ‘डिबी’च बरखास्त करुन टाकली.