विकासाचे नवे ‘तंत्र’

पुणे : शैक्षणिक क्षेत्रात गेली सहा दशके नावाजलेल्या शासकीय तंत्रनिकेतनाची (गव्हर्न्मेंट पॉलिटेक्निक पुणे - जीपीपी) चतुःशृंगी येथील जागा ताब्यात घेण्याचा पुणे महानगर प्रादेशिक विकास प्राधिकरणाचा (पीएमआरडीए) प्रस्ताव आहे. शिवाजीनगर ते हिंजवडी मेट्रो मार्गाचे स्टेशन उभारण्यासाठी किंवा मुंबईतील वांद्रे-कुर्ला संकुलाच्या धर्तीवर व्यावसायिक दृष्ट्या विकसित करण्यासाठी या जागेचा वापर करण्याचे ‘पीएमआरडीए’ने ठरविले आहे. या प्रस्तावास मान्यता मिळाल्यास पॉलिटेक्निक अन्यत्र स्थलांतरित करण्यात येणार आहे. नव्या पॉलिटेक्निकसाठी कृषी महाविद्यालयाच्या जागेचा विचार सुरू आहे.